理想的下午

日本動漫中理想的下午，是匿在沒人的角落，自顧自的攤在地下看書。

看似悠閒，實在會手痺兼眼盲，從大雄成日攤係屋企睇漫畫，戴個副厚眼鏡就知啦。

既然人體無法做到理想的下午，我就手多多地摺了很多本書、一個紙書架，還造了一個毛巾假人達成願望，好幸福哦！

手多多之自製筆記本

肥狗興趣之一，扮石像，同時當書架，正！



家母的有關手作仔的日文書存量，多到令人以為她是個操流利日語的高手，其實她連ohiyo都不會說，「睇圖好易明之麻」是她的口頭禪，是他隨便大手購入日文書的藉口。最吹不脹的是，她的確可以根據公仔而車件衫出黎，令全家無藉口禁止她入貨。

某一次當她強迫我在日本書店等她之時，發現了一本自製文具的書，買了都快一年，趁著這無事可幹的假期，手多多地做了兩本筆記本，跟著書中的圖剪呀剪縫呀縫，真係整到兩本出黎，第一本因為怕失敗，所以只有十多頁，有經驗後，第二本厚達　四十二頁！勁啊！
































這兩本野都好環保的，內頁是本小姐一年前獻身國際十字路會刮返黎的廢紙（背頁空白個隻）、封面頁是包禮物剩下的花紙、只用花紙會太軟，所以貼上戲票與我的美麗日記的包裝做封面，實淨得多、家母很愛縫紉，線是從她籠底偷回來的，不花一分一毫啊！（嘩，你個小偷丫！）

下一步係將大家貢獻給我的單據，變成筆記本！（又偷人野！）XD

叨No.5的光

承著CoCo Chanel電影即將上映，Chanel No.5 的香水廣告就由電影主角柯德莉塔圖擔任，廣告比電影的Trailer 引人入勝得多！都說香水要賣的不是香味，而是概念，Chanel No.5的真身臭到癲，但那個廣告令你即使知它有多臭，都很想買，因為噴了會遇上靚仔啊！即使那個廣告呃唔到明精眼企的Miss Five 買同名的No. Five，卻使Miss Five 很想去廣告中的地方，好異國風情好貴氣好似好多靚仔啊！

我對這個老女人牌子沒甚興趣，但看CoCo Chanel電影為的是柯德莉塔圖，因為她加上Chanel高貴到不得了。

訪問「剛剛」

任志剛剛剛宣佈榮休（非「下台」），「你有咩想同剛剛講呢」（呢個係903一八七二遊花園啊bu個promote的）

如若我是健康雜誌編輯，我會即刻搵機會訪問他，又或者我係君子雜誌編輯，我都會仆去搵佢做訪問。

1.任先生身為全球最高人工的央行行長，到底你係如何保持紙片人身栽架呢？

2.任生，我諗好多男士都好想問你，點樣可以有咁多頭髮架呢？咁你係用咩心情面對全面白髮架呢？

3.你說話字正腔圓，講廣東話又無懶音，加上中文英文造詢甚高，有無諗過轉行做電台節目主持人呢？或者教下啲後輩如何面對傳媒，同如何講英文的英文，廣東話的廣東話呢？

4.其實你辭職的其中一個原因，係咪因為你記憶力差左呢？面對雷曼受害者的時候係咁講「我唔記得、我唔清楚」喎。

5.我提議你出書教中文或者英文，最好係教造句同如何閱讀經典，教下我地如何創造出「鐵打的衙門，流水的官」丫！如果你話自己係流水，咁點解你咁耐都流唔走ge？

6.其實我真係好鐘意你把聲，可唔可以唱首黎聽聽？

新手改詞﹣﹣寫paper之濕滯

寄調：蘇永康　失眠

濕滯 靜看個mon粒字都無訴出　死啦　啦
濕滯　這種苦痛不禁重演　
筆記們鋪滿腦旁邊
deadline就到啦我淚流遍
眼瞓難頂　啊

都要這夜寫成若果不可苦痛又一遍
痛恨那夜竟然追劇看到Laughing未終結
Paper再度痴纏筆芯粉碎心機遠標去
找著已是太遲朝夕痛心追悼Grade失去

不要問：「又話好多paper要寫，做咩係度改歌詞。」因為我要，清清喉嚨先「捉緊 生命濃度
／坦白流露 感情和態度／留下 浮光 掠影 飛舞」而家唔寫，交完我邊有而家呢種痛苦的心情寫先？

UPLOADED的係蘇永康的演唱會版，有兩分鐘intro，請耐心欣賞。另外，識貨之士可跟歌詞唱出自己版本放上youtube，絕不收版權費。

原詞我是不會post的，因為……我唔會話你知:p

Working Status: 4000 words to go ...