Monday, November 10, 2008

毛神神蟹

Hairy Crab聽見就唔想食的蟹,邊有人鐘意食多毛蟹架?且慢,此乃大閘蟹的洋名是也。

從來都對要拆殼或花半個鐘才吃到半點肉的食物避之則吉,煩到呀媽都唔認得。但自從學會了拆蟹的竅門後,才驚覺自己浪費了多少季當造的大閘蟹而感到可惜。

吃蟹資歷尚淺,曾記起一次到杭州、太湖等地旅行,連續五日,一日三餐(早餐自助餐都有蟹)都食蟹,但全團人中並無拆蟹高手,我此等低手只吃蟹蓋,其餘讓給別人拆個你死我活,從此見蟹必避。自兩星期前得高手指教,拆蟹已非難事(食完更可原隻砌返出黎),自此愛上大閘蟹。

愛上不只是大閘蟹,而是吃大閘蟹的整個套餐。蟹肉點上剛煮暖的甜陳醋,鮮且甜,再呷一口話梅花雕,人間極樂也,吃罷再飲一杯老薑茶,豈不快哉。試問世界有多少食物,有如此一流的配搭?

高手更說,拆蟹乃是嫁入豪的必學101,不懂拆蟹與食蟹,是會被下人取笑的。光是這一點,就已經要學識斯文地食蟹啦!GoGoGo

No comments: