訪問「剛剛」

任志剛剛剛宣佈榮休（非「下台」），「你有咩想同剛剛講呢」（呢個係903一八七二遊花園啊bu個promote的）

如若我是健康雜誌編輯，我會即刻搵機會訪問他，又或者我係君子雜誌編輯，我都會仆去搵佢做訪問。

1.任先生身為全球最高人工的央行行長，到底你係如何保持紙片人身栽架呢？

2.任生，我諗好多男士都好想問你，點樣可以有咁多頭髮架呢？咁你係用咩心情面對全面白髮架呢？

3.你說話字正腔圓，講廣東話又無懶音，加上中文英文造詢甚高，有無諗過轉行做電台節目主持人呢？或者教下啲後輩如何面對傳媒，同如何講英文的英文，廣東話的廣東話呢？

4.其實你辭職的其中一個原因，係咪因為你記憶力差左呢？面對雷曼受害者的時候係咁講「我唔記得、我唔清楚」喎。

5.我提議你出書教中文或者英文，最好係教造句同如何閱讀經典，教下我地如何創造出「鐵打的衙門，流水的官」丫！如果你話自己係流水，咁點解你咁耐都流唔走ge？

6.其實我真係好鐘意你把聲，可唔可以唱首黎聽聽？