叨No.5的光

承著CoCo Chanel電影即將上映，Chanel No.5 的香水廣告就由電影主角柯德莉塔圖擔任，廣告比電影的Trailer 引人入勝得多！都說香水要賣的不是香味，而是概念，Chanel No.5的真身臭到癲，但那個廣告令你即使知它有多臭，都很想買，因為噴了會遇上靚仔啊！即使那個廣告呃唔到明精眼企的Miss Five 買同名的No. Five，卻使Miss Five 很想去廣告中的地方，好異國風情好貴氣好似好多靚仔啊！

我對這個老女人牌子沒甚興趣，但看CoCo Chanel電影為的是柯德莉塔圖，因為她加上Chanel高貴到不得了。

訪問「剛剛」

任志剛剛剛宣佈榮休（非「下台」），「你有咩想同剛剛講呢」（呢個係903一八七二遊花園啊bu個promote的）

如若我是健康雜誌編輯，我會即刻搵機會訪問他，又或者我係君子雜誌編輯，我都會仆去搵佢做訪問。

1.任先生身為全球最高人工的央行行長，到底你係如何保持紙片人身栽架呢？

2.任生，我諗好多男士都好想問你，點樣可以有咁多頭髮架呢？咁你係用咩心情面對全面白髮架呢？

3.你說話字正腔圓，講廣東話又無懶音，加上中文英文造詢甚高，有無諗過轉行做電台節目主持人呢？或者教下啲後輩如何面對傳媒，同如何講英文的英文，廣東話的廣東話呢？

4.其實你辭職的其中一個原因，係咪因為你記憶力差左呢？面對雷曼受害者的時候係咁講「我唔記得、我唔清楚」喎。

5.我提議你出書教中文或者英文，最好係教造句同如何閱讀經典，教下我地如何創造出「鐵打的衙門，流水的官」丫！如果你話自己係流水，咁點解你咁耐都流唔走ge？

6.其實我真係好鐘意你把聲，可唔可以唱首黎聽聽？

新手改詞﹣﹣寫paper之濕滯

寄調：蘇永康　失眠

濕滯 靜看個mon粒字都無訴出　死啦　啦
濕滯　這種苦痛不禁重演　
筆記們鋪滿腦旁邊
deadline就到啦我淚流遍
眼瞓難頂　啊

都要這夜寫成若果不可苦痛又一遍
痛恨那夜竟然追劇看到Laughing未終結
Paper再度痴纏筆芯粉碎心機遠標去
找著已是太遲朝夕痛心追悼Grade失去

不要問：「又話好多paper要寫，做咩係度改歌詞。」因為我要，清清喉嚨先「捉緊 生命濃度
／坦白流露 感情和態度／留下 浮光 掠影 飛舞」而家唔寫，交完我邊有而家呢種痛苦的心情寫先？

UPLOADED的係蘇永康的演唱會版，有兩分鐘intro，請耐心欣賞。另外，識貨之士可跟歌詞唱出自己版本放上youtube，絕不收版權費。

原詞我是不會post的，因為……我唔會話你知:p

Working Status: 4000 words to go ...

如果麥兜打乞嚏……

以下故事純屬老吹

豬流感不但演變成人轉人，仲有人轉卡通人物，麥小姐在畫麥兜un腳之時，突然發現他打乞嚏，麥小姐立刻將麥兜隔離，以免他轉染給豬媽，麥小姐仍在追查麥兜染病的來源，現正懷疑一名豬場長大的小孩，半夜讀故仔給豬媽聽時，豬媽不滿故事中的麥兜勁un腳，所以立心將病毒轉染給他，以作懲誡。
麥小姐立刻回收所有麥兜產品，以防傳染給全香港人，尤其是小朋友。

墨西哥流感已有五百隻港豬受到感染，據知港府高官並不敢殺雞般殺豬，因為珠江三角洲的豬都已死晒，而香港著名世界的义燒包與义燒，將無法繼續吸引老外來港，會使香港的GDP下跌四成，而最重要的是，高官午餐不能食义燒包，辦事能力會由零，減至負一千，市民極度恐慌。

咖啡壓力煲

討厭香港公共圖書館的自修室，明明是自修，卻有一個類似監督的物體坐在最前頭，監視有沒有人傾計、瞓覺、講電話，坐位亦迫到令人無法溫書，氣氛緊張得無法令人心平氣和地溫習。

咖啡店本應是讓人放鬆的地方，與朋友聊聊天、獨個兒看看雜誌、或光坐著飲杯咖啡的地方。大概香港人不懂何謂放鬆。甫進咖啡店，就發現每個人坐在那邊都很有目的，溫書、開會、講公事。永遠最悠閒的總是老外。

今天踏進咖啡店，發現全店滿坐，與坐者九成都是學生，三五成群的在溫書，我的天，我去咖啡店的原因是我想逃避交功課的命運啊！天啊，今天是星期天，放假啊！放過我吧！環視一周，絕對無位，我飛快離開這個咖啡壓力煲！

如果我要開咖啡店，如果鋪頭好多人的話，我會學政府做「人流管制」，門口貼著「想溫書？去星巴克啦！請即刻離開本小姐的樂園！」但係，如果店子無咩生意的話，我就無任歡迎ge，如果半滿，我就一定貼！