我只想 看電影

我有病，和朋友一起去看電影，無論是任何題材的電影，去到中段，總會不其然　瞓著。連看King　Kong、Transformer、這些嘈到死的動作片，都夠膽死瞓著。

因此，我只可以一個人看電影。經過這幾年的實驗，只有以獨行俠身份看電影，我才會真正的享受光與影的快感。

因為是獨行俠，所以很怕院內太多人。即使坐在你旁邊是一個安份守已的閱聽人，只要他的手指一動，我都會分心。如果我是富婆，豪宅內要建一個私人影院，只有一個坐位，讓我舒舒服服看戲。

閱聽人的惡行太多，為了避開這些目的不是看電影的人（一對情侶入場，係人都知唔黎睇戲咁簡單啦！一家大細入場，個細路一定勁問問題啦！一班朋友入場，都係想圍埋食爆谷加「芝芝怎」啫。），選的時段都是「我覺得會少人的時段」，即星期三9：35pm或星期一11：00am之類的時間。大部份時間我坐中間位，左右座位都無人，好讓我放袋同旭黎旭去之餘唔會被人「吱」我。

另一個喜歡獨自看戲的原因是，我眼淺，眼淺的情度肯定會令坐旁邊的人赫怕（柴犬奇蹟物語喊到死左，我喊d位仲要係有人笑d位lor。今次失敗原因是，星期五晚原來好多人睇戲，包括怪獸（兒童）），為了他人著想，還是一個人比較好。

第二個原因是，我喜歡看roller。即係戲終後出黑色底白色字的roller。與朋友同行，總不能耽誤別人的時間，只有自己去看，才可真真正正的看完全部。其實點解未播完roller就要開燈呢？戲院有無諗過其實有人想睇架呢？唉。

而最主要而我又唔認的原因是，我無法肯定約了朋友的日子，我到底會不會出現。為了朋友著
想，我還是睇心情自己去睇戲好過。

我只想在沒有受滋擾的情況下，看罷整齣電影。